IC 電磁爐［味味好好味］小貼士

３個步驟煮出鑊氣

熱鍋，熄爐，落油。因為就算抹乾個鍋都仲會有水氣，所以要先熱鍋，出水氣後，熄爐，落油，再開爐。食物就唔會容易出水。

醃肉秘訣

醃魚切記唔好用酒，因為酒會令魚肉變霉，所以用生粉就夠。而醃牛肉及豬肉就要加少少水，令肉質更嫩滑。

煎炒煮炸炆樣樣得

炸物最高境界：

炸物初時水花好多，炸嘅聲音就細。近八成熟後，水花越來越少，炸嘅聲音越來越大。

專業方法知油溫：

可以從油圈知油溫。油未滾，油圈多；之後油圈數目會越來越小。無油圈就表示油滾。

煲老火湯燉補品最慳最安全：

一煲湯平均快３０分鐘就出晒味，所以慳成三分之一的燃料費！大部份ＩＣ電磁爐仲有時間掣，以後唔駛睇火，安全好多。

點煮都好，但要先將火力收細：

因為ＩＣ電磁爐熱得好快，即開即熱，所以收細度數再慢慢落油及材料，可避免手忙腳亂，易燶及彈油的情形。

煮海鮮秘技

反魚技巧：

反魚記緊不能由肚反，要由背反。魚肉就唔會散開。

蝦熟的真正定義：

一般以為蝦身紅就算熟。其實身紅只是代表半熟，蝦要熟透，就要頭尾黏埋。IC電磁爐一般都有很多段數，控制熱力易如反掌。

高溫鎖水份：

煎或炸海鮮時，要用高溫，可鎖住肉汁，炸魚時尤其外脆內軟。部份ＩＣ電磁爐炸魚可用恆溫控制，令色澤更加均勻。

清潔話咁易：

當爐面仲有餘溫，清潔容易；就算油漬斑斑，只要加少少洗潔精，即光潔如新。




以上資訊參考自中華電力有限公司